Albisteak 2016
LEHIAKETA
09 Abu 2016
Zarauztar erario bikoitza
Gaur goizean XXXIX. Zarauzko Estropadak eta Zarauzko VIII. Ikurriña zita bikoitzak aurkeztu dira
San Miguel Ligak eta Euskotren Ligak asteburu honetan klasikoa den eta zarauzko uretan ospatzen den zita bikoitzara iritsi dira. Larunbatean 18.00etatik aurrera eta igandean 12.00etatik aurrera, Zarauzko XXXIX. Estropadak eta Zarauzko VIII. Ikurriña ospatuko dira. Honela, CaixaBank Koroako hamabigarren eta hamairugarren lehia jarriko dira lehian, eta Euskotren Ligari dagokionez, txapelketari amaiera emateko eta txapleduna koroatzeko baliagarriak izango diren jaurdunaldiak martxan jarriko dira.
Zita hau, San Miguel Ligako eta Euskotren Ligako egutegian ohikoa izaten den bezala, estropada hauen garailea larunbateko eta igandeko denboren batuketaren bidez iritsiko da. Arraunlarien segurtasuna bermatzeko, irteerako marra metro batzuk aurreratzea adostu da, konkretuki iparrera 150 metro eta mendebaldera 100 metro mugituko da. Modu honetan, 2014 urtean egindako denboralearen erruz azken urteetan sortu zen olatu urautsia saihestuko da. Hala ere, ontziak bogan ibiliko diren estropada eremua ez da ezezaguna izango, izan ere, 2012an Eusko Label Banderan estropada eremu hau erabili baitzen. Ezberdintasunik nabarmenena lurrean kokatuta egongo den logistikan izango da, izan ere, aurten Harrizapalen kokatuta egongo da Allepuntan egon beharrean. Horrela, gizonezko ontziak ohikoak diren hiru mila nautikoetan lehiatuko dira, lau luze eta hiru ziaboga emanez. Emakumezkoen ontziek ordea, Zarauzko VIII. Ikurriñean mila eta erdiko distantzian arraun egin beharko dute.
Horrela, gaur goizean Talaiberri Txakolindegian bi ziten aurkezpena ospatu da eta bertan, Xabier Txurruka, Zarautzko alkatea; Jon Artola, ZAEko presidentea; Ixidor Larrañaga, Zarauzko Udaleko Turismo Zinegotzia; eta Xabi Zubiri, ACTko Komunikazio Saileko zuzendaria egon dira. Azkenik, azken urteetan ohikoa izaten ari den bezala, Zarauzko Udalak San Miguel Ligako lehen erdiko liderrari trofeo bat eman die; Koldo Diazek, NT2 Hondarribiaren ordezkariak saria jaso du.