ACT TV

BEREZIAK

26 Abu 2020

Aresek Eusko Label Ligako estropada bat hartuko du berriro

Aresek Eusko Label Ligako estropada bat hartuko du berriro

Coruñako udalerriak arraun txapelketa nagusiaren hamabosgarren jardunaldia jasoko du larunbat honetan

Hiru urte, hilabete eta hamahiru egun geroago, banku finkoko arraunketako txapelketa nagusia Aresera itzuliko da, non 2017an Eusko Label Ligako estropada bat jokatu zuen. Udalerri galiziarrak, bere CR Ares taldea arraunaren elitera itzultzeari esker, Kantauri Itsasoko eta Atlantikoko 12 traineru onenak hartuko ditu berriz ere, txapelketaren bilakaerarako funtsezkoa izango den jardunaldi batean. XIII Bandeira Concello de Ares larunbat honetan lehiatuko da 18:10etatik aurrera.

Irteera/helmuga lerroa Areseko kaiaren parean kokatuta, ontziek hiru itsas miliako (5.556 metro) ibilbidea egingo dute, lau luzetan banatuta, hiru ziabogarekin. Txapelketaren 15. jardunalditik aurrera, estropadako txandak Eusko Label Ligako sailkapen orokorrean oinarrituta egongo dira, eta, beraz, lehenengo txandan Kaiku Vusa, CR Ares, Zarautz Babyauto eta Ondarroa Cikautxo izango ditugu. Bigarren txandan Lekittarra Elecnor, Cabo, Donostiarra Amenabar eta Zierbena Bahias de Bizkaia arituko dira. Azkenik, ohorezko txandan Bermeo Urdaibai Avia, Orio Arraunketa Elkartea, GO fit Hondarribia eta txapelketako liderra, Santurtzi Transportes eta Grúas Aguado, arituko dira.

Itzuli