Novas 2017
ESPECIAL
13 Set 2017
Todo por decidir
A localidade biscaína acolle este sábado ás 18.00 a primeira xornada do playoff de ascenso á Eusko Label Liga e a Bermeo Hiriko XXXV. Bandera
Este fin de semana concluirá unha nova tempada da Eusko Label Liga e aínda falta moito por decidir para alén de saber quen levará este ano para a casa a Coroa CaixaBank. A xornada de remo o sábado comezará ás 18.00 horas coa desputa da primeira xornada do playoff de ascenso á Eusko Label Liga, onde Ares, S.D. Samertolameu, C.R. Puebla, Donostiarra e Santurtzi Iberdrola competirán en formato contra o reloxo na primeira batalla polas dúas prazas que darán dereito a remar na máxima categoría do remo a tempada que vén. Despois disto, os oito primeiros clasificados da Eusko Label Liga porán en xogo a Bermeo Hiriko XXXV. Bandera, con Ondarroa Cikautxo, Tirán Pereira, San Juan Sumelec e Zierbena Bahías de Bizkaia na primeira quenda; e Kaiku Producha, Orio Babyauto, Hondarribia e Urdaibai Avia na segunda.
Con todo, a presentación da penúltima xornada da tempada tivo lugar esta mañá no Museo do Pescador de Bermeo, e estivo presidida por Idurre Bideguren, alcaldesa de Bermeo; e Agustín Aramburu, presidente de Urdaibai Avia.