Novas 2018
ESPECIAL
17 Xu˜ 2018
Buscadores de segundos de adrenalina
Presentámosvos o novo spot desta tempada, inspirado no sacrificio deste deporte e os seus segundos de adrenalina
Fica menos dunha semana para arriar estachas na ría de Bilbao e os clubs andan a ultimaren os detalles para loitar nunha tempada chea de adrenalina. Para dar comezo a esta nova tempada traémosvos o Spot da Eusko Label Liga e Liga Euskotren 2018.
Esta peza audiovisual está inspirada no sacrificio deste deporte e neses segundos de adrenalina tan decisivos, onde os remeiros reman con toda a súa alma para decidiren o futuro do seu club. Xa que por moi duro que sexa este deporte, hai algo que engancha e xera máis e máis ganas de non deixar de remar. Chamarannos tolos, pero tal e como di o spot… Somos buscadores de segundos de adrenalina.