ACT TV 2022

ENTREVISTAS

27 Xul 2022

Novo escenario en Getxo para a Liga Eusko Label e a Liga Euskotren

Novo escenario en Getxo para a Liga Eusko Label e a Liga Euskotren

As regatas desputaranse no campo de regatas a carón do porto novo

As novas xornadas da Liga Eusko Label e da Liga Euskotren celebraranse este sábado en Getxo. Un dos encontros clásicos do verán é a regata de Getxo, mais, aínda que nos últimos anos se competiu no campo de regatas do Porto Vello, este ano, competirase no campo de regatas do Porto Novo. A Liga Euskotren voltará á competición coa sétima xornada, despois da semana de descanso, e en canto ás traiñeiras da Liga Eusko Label, será a novena xornada da tempada.

Esta mañá presentáronse no club de remo de Getxo as dúas bandeiras que estarán en xogo no sábado a partir das 17:50 horas; a Getxoko Estropaden XLIV. Ikurriña - J.A. Agirre Lehendakariaren XVIII. Omenaldia e Getxoko XIV. Ikurrina - J.A. Agirre Lehendakariaren XVIII. Omenaldia. Ao acto asistiron Amaia Agirre, alcaldesa da localidade biscaína, Borja Rodrigo, presidente da ACT, e Melquiades Verduras, presidente de Getxo Arraun Elkartea.

Borja Rodrigo destacou a importancia que ten Getxo no calendario da Liga Eusko Label. "Este ano temos a novidade deportiva de mudarmos a orientación da regata. Con respecto a tempadas anteriores orientamos máis cara a enseada", comentou o presidente da ACT.

Pola súa banda, a alcaldesa Amaia Agirre amósase satisfeita de que a localidade biscaína "gozará mais un ano das regatas, dun grande espectáculo, e acollemos esta competición con moita vontade", sinala Agirre.

Voltar