ACT TV 2021

ELKARRIZKETAK

22 Abu 2021

6 urteren ondoren Go Fit Hondarribiak etxean irabazi du asteburu bikaina biribilduz

6 urteren ondoren Go Fit Hondarribiak etxean irabazi du asteburu bikaina biribilduz

Ama Guadalupekoak CaixaBank Koroaren lehian beste bi puntu murriztea lortu du Santurtzirekiko 

Go Fit Hondarribiak, atzokoan egin zuen bezala, beste bi puntu murriztu ditu sailkapen nagusian Santurtzi Transportes y Gruas Aguadori dagokienez, eta lau puntutara kokatzen da. Ama Guadalupekoa hasieratik izan da nagusi Hondarribiko XXXIV Bandera-MAPFRE Sari Nagusian, eta sei urte geroago bandera etxean geratu da. Garaipenaz gain, liderrarengandik lau puntura kokatzen da (169 puntu ditu Soterak eta 165 GO fit Hondarribiak). Mikel Orbañanosen taldea izan da Orio Orialkiren denbora gainditu duen bakarra, bigarren txandan Urdaibairen aurretik nagusitu baitira, eta San Nikolas trainerua ohorezko txandatik gertu dago (141 puntu ditu Zierbenak, eta 140 Orio Orialkik). Donostiarra Amenabar, bestalde, sailkapen nagusiko hirugarren postuan geratzen da gaurko laugarren postuari esker.

Hurrengo asteburuan, EuskoLabel Ligak Galizian jokatuko ditu abuztuko azken bi jardunaldiak, eta sailkapen orokorreko azken lau traineruen azken jardunaldiak izango dira. Lehenengo txandan CR Ares, Lekittarra Elecnor, SD Tiran Pereira eta Zarautz Gesalaga Okelan arituko dira; bigarrenean Orio Orialki, Bermeo Urdaibai Avia, Ondarroa Cikautxo eta CR Cabo da Cruz, eta ohorezko txandan Santurtzi Transportes y Gruas Aguado, GO Fit Hondarribia, Donostiarra Amenabar eta Zierbena Bahias de Bizkaia.

CaixaBank patroi onenaren sailkapenari dagokionez, honela geratzen da:
1.- Arkaitz Diaz (Donostiarra Amenabar) 19 puntu
2.- Gorka Aranberri (Santurtzi T. y G. Aguado) 16 puntu
3.- Oscar Hermo (CR Cabo da Cruz) 11 puntu
 

Itzuli