ACT TV 2020

BEREZIAK

12 Eka 2020

CaixaBankek ACTrekin batera nabigatzen jarraituko du

CaixaBankek ACTrekin batera nabigatzen jarraituko du

Juan Pedro Badiola CaixaBankeko Iparraldeko Lurralde Zuzendariak eta Borja Rodrigo ACTko Presidenteak sinatu dute finantza-erakundea, zortzigarren urtez jarraian, traineruen lehiaketa nagusiaren babesle nagusia izango dela dioen akordioa.

CaixaBank Bandera lehen aldiz iritsiko da Donostiara eta denboraldiko debuta izango da euskal uretan.

Zortzi urte daramatza CaixaBankek momentuko traineru onenekin batera nabigatzen eta Kantauri itsasoan eta Atlantikoan udan egiten den kirol lehiaketarik nabarmenenetako bati euskarria ematen. Bizi dugun osasun-krisia bezalako ezohiko egoera batean, Caixabankek traineruen munduarekin duen konpromisoari eutsi nahi dio, eta diziplina hori babesten jarraitu, zortzigarren urtez jarraian. Horrela, finantza-erakundeak ACTrekin duen konpromisoa berritu du, eta, babesle nagusi den aldetik, CaixaBank Koroari izena emango dio berriz ere. Elkarteko 12 traineruek udan zehar izango diren 18 jardunaldietan zehar Koroa honengatik lehiatuko dira uretan.

Ohi bezala, CaixaBankek patroien lana ere sarituko du bere tripulazioa estropada eremuan zehar gidatzeko orduan. Arkaitz Diazek, Patroi Onenaren Saria irabazi duenak, gainontzeko tripulazioetako lemazainekin batera, euren bertsiorik onena emango dute CaixaBankeko Maillot Zuria janzteko.

Gainera, CaixaBankeko izarrak emakumezkoen ontziak ere bultzatuko ditu, Euskotren Ligako liderren larrua tindatuz eta urtez urte gora doan lehiaketa baten hazkundea sustatuz.

Baina aurtengo berrikuntza nagusia CaixaBank banderarekin dator, izan ere, lehen aldiz Gipuzkoako hiribururaino iritsiko da. Izan ere, CaixaBank banderak euskal uretan estreinatuko du txapelketa. Donostiako hitzorduan, gizonezkoen jardunaldiaz gain, emakumezkoen CaixaBank Bandera ere jokoan jarriko da.

Konfiantza eta konpromisoa

Horrela, CaixaBankeko Iparraldeko Lurralde Zuzendaritzan egindako bilera batean, Borja Rodrigo ACTko presidenteak eta Juan Pedro Badiola CaixaBankeko Iparraldeko Lurralde zuzendariak lankidetza akordio berri hau zigilatu dute. "ACTk munduko txapelketa garrantzitsuenen mailan dagoela erakutsi du, ezohiko egoera honi aurrea hartzen jakin du eta, batez ere, osasun protokolo guztiak errespetatuz irtenbideak bilatzen jakin du. Eta ahalegin handi honi esker, traineruen liga izango da hurrengo asteetan gozatu ahal izango dugun kirol lehiaketa bakanetakoa", adierazi du Badiolak. Gainera, Donostiako hitzorduari dagokionez, honakoa aitortzen du: "Kontxako badia modu naturalean doa arraunarekin lotuta, eta lehen aldiz CaixaBank Bandera bere uretaraino eraman ahal izatea, eta, gainera, 16 traineruentzat euskal uretan egingo duten denboraldiko debuta izatea, zalantzarik gabe, harro egoteko modukoa da gure erakundearentzat".

Bestalde, Borja Rodrigo ACTko presidenteak azaldu duenez, "Ohorea da zortzigarren urtez lanean jarraitzea Caixabanken babesarekin, are gehiago, hilabete hauetan bizi dugun egoera honetan". Txapelketaren hasieraren aurrean, Rodrigok esan du "udako arraun denboraldia aurrera ateratzea eta CaixaBank Koroa jokoan jartzea izango dela guregan jarri duten konfiantza guztia itzultzeko modurik onena".

CaixaBank, kirolarekin konprometitutako erakundea

CaixaBanken ustez, kirol-babesa komunikaziorako tresna estrategikoa da, eta erakundeak kirol-jarduerarekin partekatzen dituen balioak ematen ditu, hala nola lidergoa, ahalegina, gainditzea eta talde-lana. Babesletzaren bidez, finantza-erakundeak aurrerapen kulturala, soziala eta ekonomikoa sustatzen du, gizartearekiko konpromisoaren sorrerako balioen ildotik.

Bulego-sarearen bidez, CaixaBankek lotura estua du lurraldearekin, eta bezeroarekin hurbileko erakundea izateko bokazioa du. Horrek esan nahi du tokiko babesletza estrategia egokia dela eragin-lurraldean nabarmentasuna sortzeko. Horregatik, CaixaBankek, bere Lurralde Zuzendaritzan, Eibar, Alaves, Baskonia, Sporting de Gijon edo Real Oviedo bezalako erakundeetan parte hartzen du. Baina erakundearen estrategia lurraldeko kirola babestea eta sustatzea ere bada, hala nola Eusko Label Ligarekin, esku pilotaren LEPMren babes nagusiarekin edo Kantabriako jardunaldi bolistikoekin. CaixaBankek 2019an Lehen Mailako 17 futbol talde eta Bigarren Mailako 13, 47 herri lasterketa eta Plaza 3x3 CaixaBank proiektua babestu ditu.

Kirola da babesletzaren estrategia osoaren ardatza, eta estatuko kirol-babesletzaren aitzindarietako bat da. CaixaBankek kirolarekin duen inplikazio hori duela 25 urte hasi zen, erakundeak kirol olinpikoa babestea erabaki zuenean, ADO Planarekin sinatutako akordioaren bidez. Plan hori, gaur egun, kirol olinpikoa eta elitekoa sustatzeko eta garatzeko etengabeko apustua da.

Itzuli