Os momentos previos a unha regata adoitan estar cargados tensión que cada cal leva ao seu xeito. Algúns aproveitan para facer grupo tomando un café ou visualizando o campo de regatas ou simplemente evadíndose nos seus móbiles. Outros, porén, mantéñense fieis ás súas manías. Habelas hainas de todo tipo. Das máis comúns, como escoitar música, até as máis peculiares como a de se pintar un brazo. Neste novo capítulo da ‘Liga San Miguel por dentro’ os propios remeiros cóntannos como viven estas horas previas a unha xornada.