Novas 2012
COMPETICION
05 Xul 2012
ZARAUTZ, CAPITAL REMEIRA DA LIGA SAN MIGUEL 2012
A vila costeira acollerá o domingo a Bandeira Euskolabel
Zarautz é parada imprescindible no remo, e na Liga San Miguel. Foino dende sempre, e serao tamén este ano, coa disputa de tres regatas. Á xa tradicional dobre xornada na que se pon en xogo o trapo da vila costeira (18 e 19 de agosto), súmaselle este ano unha terceira regata: a 4ª regata puntuábel da Liga San Miguel, e a 2ª da recén iniciada Liga Euskotren. Ámbalas dúas, como non, cun patrocinador fiel onde os haxa: EUSKOLABEL. Este mediodía celebrouse a presentación da BANDEIRA EUSKOLABEL, e a ela acudiron a Sra. Alazne Uribarri de Euskolabel, o Sr. Juan Luis Illarramendi, alcalde de Zarautz, o Sr. Pedro Andueza, presidente da ACT, e a Sra. Karmele Alberdi, conselleiro para o turismo de Zarautz.
O remo profesional debe moito a Euskolabel. A marca Euskolabel viña patrocinando a promoción de bonito do norte en anteriores tempadas, e agora reforza a súa aposta coas traíñas patrocinando unha bandeira sen deixar de apoiar a promoción de produtos Euskolabel coa ACT, os afeccionados poderán seguir gozando de boas porcións de bonito fresco do norte, para amansar o estómago. Regatas e bonito do norte, unha combinación que non falla nunca.
Haberá que prestar especial atención á meteoroloxía e ao estado do mar. Zarautz é mar aberto, é falta de protección, é forza bruta e intelixencia. O mediodía é traizoeiro, e o vento pode causar unha mala pasada a aquel que non o agarda. Este ano 12 das 18 regatas da Liga San Miguel vanse celebrar en mar, e quen non acerte nesa disciplina, terá o éxito máis afastado. Na Bandeira Eusko Label, o percorrido da regata adiántase, aínda que mantendo a mesma enfilación.
No que respecta á Liga San Miguel, 4ª proba puntuábel da tempada. As quendas estableceranse baseándose na clasificación xeral derivada da regata da véspera, Bandeira de Portugalete. A competición masculina comezará unha vez finalizada a regata da Liga Euskotren.
Porque serán as rapazas as que protagonicen os primeiros momentos de tensión. Seis traíñas xóganse o todo polo todo, o premio de vogar na Liga Euskotren. A peneira deixará no camiño tres delas. Portugalete establecerá o primeiro corte, pero o definitivo establecerao o marco incomparable zarauztarra. As embarcacións que se clasificaran entre as tres primeiras en Portugalete deberán confirmar o seu bo traballo na segunda regata clasificatoria. Hai que completar o bo traballo nas dúas regatas.
Recordar que a clasificatoria das rapazas se disputará na modalidade de contra o reloxo, e que os botes partirán cun intervalo dun minuto entre eles. Partirá primeiro a última clasificada en Portugalete, e así sucesivamente. A vencedora obterá sete puntos, e as restantes traíñas un punto menos ata chegar á última clasificada cun punto. Sumaranse os puntos obtidos nas dúas regatas, e as tres embarcacións que máis puntos obteñan vogarán na Liga Euskotren xunto a Getaria-Tolosa, que ten praza reservada por ser a campioa da Liga Euskotren do 2011. As dúas regatas, aínda sendo clasificatorias, tamén repartirán puntos para a consecución da Liga Euskotren.