Novas 2022
COMPETICION
20 Ago 2022
Urdaibai golpea primeiro en Zarautz
La Bou Bizkaia ha ganado en la primera jornada de la XLV Zarauzko Ikurriña con 3 segundos de renta sobre Matrix Hondarribia y Orio Orialki
Bermeo Urdaibai foi a embarcación máis rápida na primeira xornada da XLV Zarauzko Ikurriña ao superar a Matrix Hondarribia e a Orio Orialki por tres segundos. Por detrás, ficou Amenabar Donostiarra Ur Kirolak 100 cedendo 11 segundos. Estas catro traiñeiras da quenda de honra víronse obrigadas a vogaren na modalidade de contra o reloxo despois de que unha boia afundise, e non se dese recuperado a tempo. Daquela, as catro embarcacións da última quenda vogaron en solitario.
Daquela, e coa vitoria da Bou Bizkaia, os pupilos de Iker Zabala acadan os 161 puntos frente os 157 de Hondarribia. Pola súa banda, a Torrekua II mantén a 3ª praza da clasificación xeral con 153 puntos e Orio Orialki é 4º con 139. Na parte baixa da xeral, Ares segue sen saír da última posición, e ten 44 puntos frente os 59 da Lekitarra, que ocupa posto de playoff. Por riba da Lekitarra situase a Itsasoko Ama - Sotera con 62 puntos e apenas tres por riba dos postos de playoff. 8º e 9º son Ondarroa e Cabo, respectivamente, con 69 puntos.
Orio Orialki colle vantaxe na 1ª xornada
Orio Orialki venceu na 1ª xornada da XIV Zarauzko Ikurriña con 10 segundos sobre Donostia Arraun Lagunak e na regata de mañá pola mañá partirá con vantaxe para sumar unha nova bandeira. As de Patxi Francés dominaron a regata do principio ao final, acadando a ceavoga con cinco segundos de renda sobre as donostiarras e rematando a regata con máis de tres embarcacións de vantaxe. Con esta vitoria, a San Nikolas chega aos 50 puntos nunha liga que xa conquistou a fin de semana pasada. Pola súa banda, Donostia Arraun Lagunak conta con 41 puntos.
Por detrás, Tolosaldea superou a Nortindal Donostiarra Ur Kirolak na primeira xornada de Zarautz e colócase a un punto na xeral. A Torrekua conta con 20 puntos frente os 19 de Tolosaldea. A última da Liga Eusko terá que desputar o playoff na procura dunha praza na Liga EuskoTren do vindeiro ano.