Novas 2020
COMPETICION
25 Xul 2020
Segunda bandeira consecutiva para Urdaibai
Grazas ás súas últimas padas da tarde, Bermeo Urdaibai Avia consegue a súa segunda bandeira consecutiva no XI Bilboko Bandera, mentres que Orio fai o mesmo na regata feminina
Por segunda xornada consecutiva, Bermeo Urdaibai Avia grazas ao seu traballo no final puido gañar a quenda de honra da XI Bilboko Bandera, e levar así a súa segunda bandeira da tempada. Foi unha grande exhibición, na que a Bou Bizkaia, Orio e a líder Sotera tolearon o GPS. Durante a regata, apenas houbo como máximo dous segundos de diferenza entre as tres tripulacións, mais grazas aos últimos metros, os Txos deron levado a vitoria. O tempo final de Bermeo Urdaibai Avia na meta foi de 19:27.14. Santurtzi Transportes y Gruas Aguado asinou un tempo de 19:31.98, mentres que Orio parou o cronómetro en 19:33.44. Donostiarra Amenabar, pola súa banda, non deu entrado na pelexa cos rivais da quenda de honra, e asinou un tempo de 19:46.20. Ao final puido manter o cuarto posto malia durante a regata estaren na quinta posición.
Na segunda quenda, Zierbenas Bahías de Bizkaia e Go Fit Hondarribia estiveron á par en todo momento. Primeiro foron os fronteirizos quen tomaron a dianteira, mais a partir da segunda ceavoga, os galipos foron quen tiveron o tempo do GPS a favor. Na meta, Zierbenas Bahías de Bizkaia conseguiu un tempo de 19:49.68, mentres que Go Fit Hondarribia fixo 19:55.12. Por detrás, Lekittarra Elecnor e Cabo estiveron case en toda a regata á par, pero o mellor tempo asinouno a traiñeira biscaína cun tempo de 20:09.02, mentres que a galega parou o cronómetro en 20:11.42.
Na primeira quenda, Ares dominou dende o comezo. Tomaron a dianteira dende a primeira pada da regata, e ningún dos seus perseguidores puido manter o ritmo dos ártabros. No remate, a traiñera Santa Olalla parou o cronómetro cun tempo de 20:28.34. Kaiku Vusa pola súa banda, puido remontar na segunda parte da regata, no comezo foron atrás de Ondarroa, pero na meta, cun tempo de 20:38.70 Kaiku Vusa recuperou dous puntos na clasificación con respecto a Zarautz. Ondarroa Cikautxo, pola súa banda, foron de máis a menos e na meta non deron mellorado a Kaiku, cun tempo de 20:40.50. Zarautz Babyauto, mantén un punto de diferenza con respecto ao último posto da clasificación, ao non daren sumado máis dun punto na xornada de hoxe. Cun tempo de 20:45.54, a Enbata foi a traiñeira que máis tempo precisou para percorrer o traxecto da regata na ría de Bilbao.
Orio firme dende o comezo
Das primeiras padas da II Bandeira de Bilbao a hoxe, Orio asina o seu liderado. Dende o comezo colleu a dianteira da regata, e ademais fíxoo ampliando o tempo aos poucos. Por detrás, nin Donostiarra Lacturale nin Hondarribia Bertako Igogailuak deron mantido o ritmo das líderes. Así, Orio marcou un tempo na meta de 10:44.84, un tempo inmellorábel para as Donostiarra Lacturale, que fixeron 10:57.02, mentras que Hondarribia Bertako Igogailuak finalizou a regata en 11:07.22. Donostia Arraun Lagunak, pola súa parte, non puido participar na regata de hoxe.
Mañá en Lekeitio
Mañá as competicións transladaranse a augas de Lekeitio, onde na Liga Eusko Label se desputará a XXXV El Correo Ikurriña - BBK Sari Nagusia, mentres que na Liga Euskotren, estará en xogo a IX. Bandeira Euskotren.