ENTREVISTAS

22 Abr 2015

"Queremos facer algo grande"

San Juan Iberdrola enfronta unha nova tempada da Liga San Miguel pensando en dar continuidade ao bo xeito co que remataron o ano pasado

Joseba Fernández enfía a súa cuarta tempada á frente de San Juan Iberdrola coa firme intención de continuar traballando duro co mesmo bloque dos últimos anos. O adestrador guipuscoano ten depositada moita confianza no seu grupo co que pretende “facer algo grande, mais sen renunciar nunca á súa filosofía”. Malia manter case a totalidade do plantel, o equipo pasaitarra tivo baixas e altas, como a chegada de Aitor Artetxe (Trintxerpe) e a dos moitos mozos remeiros que se unen ano a ano á primeira traíña para reforzar a tripulación. Fernández amósase “satisfeito co traballo do equipo e cos descensos realizados até o momento”, onde estiveron loitando pola vitoria.

O obxectivo de todos os equipos cada tempada é dar o máximo en cada regata para chegar o máis lonxe posíbel. Joseba Fernández ten clara esta premisa, mais admite que “repetir o resultado do ano pasado sería cumprir obxectivos”, aínda que se amosa “ambicioso e con ganas de dar un paso adiante, por moi difícil que sexa”. Respecto á presente tempada Liga San Miguel, ve moi fortes todos os equipos, e prevee unha tempada moi igualada.

Voltar