Novas 2023
ASOCIACION
16 Xu˜ 2023
Ppresentación da tempada 2023
Os socios da ACT reuniranse este sábado nunha nova sesión asemblearia e presentaranse as novas tempadas da Liga Eusko Label e Liga Euskotren
Os clubs da Asociación de Clubs de Traiñeiras reuniranse mañá pola mañá en Bilbao na última asemblea ordinaria do ano previa ao comezo da competición. Esta sesión servirá para concretar os últimos detalles da Liga Eusko Label e da Liga Euskotren.
Pola tarde, a partir das 19h, o Palacio Euskalduna de Bilbao acollerá a Gala de presentación da tempada 2023 tanto da Liga Eusko Label como da Liga Euskotren. A encargada de guiar o evento será a actriz Aitziber Garmendia, onde entre outras cuestións, entregaranse as réplicas dos Trofeos orixinais da Liga Eusko Label e Liga Euskotren aos gañadores da tempada pasada, Bermeo Urdaibai e Orio Orialki respectivamente.
Tras o peche da tempada pasada procederase a presentar unha nova tempada da Liga Eusko Label e a histórica Liga Euskotren que contará por primeira vez con oito participantes. Os asistentes poderán viaxar na traxectoria da competición feminina coa proxección dun vídeo que fará un repaso a estas catorce tempadas.
Así que a Gala remate, as persoas asistentes poderán gozar dun aperitivo cos produtos de Eusko Label e de Keler na esplanada exterior do Palacio Euskalduna.