ACT TV 2023
ESPECIAL
11 Xul 2023
Último Longo CaixaBank: Donostia e Zierbena
Falan os patróns e as patroas máis destacadas da fin de semana
A primeira fin de semana de competición en augas do País Vasco foi espectacular, e así ficou reflectido no plano deportivo. Na xornada do sábado, tanto a VII e a XV Bandeira Fabrika desputadas en Donostia quedaron na casa, sendo Nortindal Donostiarra e Donostiarra Amenabar as traiñeiras que cruzaron a liña de meta na primeira posición.
Na xornada do domingo, en Zierbena, Orio Orialki segue a ser a única traiñeira en gañar na Bandeira Edinor. Nas tres edicións, a San Nikolas foi o equipo máis rápido da xornada en Zierbena. Pola súa banda, na categoría masculina, Bermeo Urdaibai consiguiu a primeira vitoria da tempada en augas de Zierbena coa súa vitoria na XL Bandeira Petronor. Os de Iker Zabala foron os máis rápidos, cunha vantaxe de 18 segundos sobre o segundo clasificado, Hondarribia.
Malia as vitorias donostiarras do sábado, e dos vixentes campións o domingo, o liderado tanto na Liga Eusko Label como na Liga Euskotren seguirá nos dominios de Zierbena Bahías de Bizkaia e Donostia Arraun Lagunak respectivamente. Na categoría masculina, con 31 puntos, igualados con Hondarribia, os galipos vogarán en Bilbao co maillote vermello, mentres que na categoría feminina, a Lugañene ten dous puntos de vantaxe sobre os seus tres perseguidores, Orio Orialki, Nortindal Donostiarra e Tolosaldea Arraun Kluba.
No referente ás clasificacións dos patróns e patroas, si que houbo mudanzas. Na categoría masculina, os patróns de Urola Kosta colideran a clasificación con 28 puntos. O zarauztarra Gorka Aranberri colocouse no liderado, mentres que o domingo voltou a mans do getariarra Unax Eizagirre, e será este último quen vogará en augas de Bilbao co maillote de Mellor Patrón CaixaBank.
Pola súa banda, na categoría feminina, Nerea Pérez de Nortindal Donostiarra, aguantou o liderado na xornada do sábado, pero o domingo, a gañadora en 2021, Miren Garmendia foi a mellor patroa da xornada. Con esa vitoria, a patroa de Hondarribia Bertako Igogailuak con 18 puntos ten un punto de vantaxe sobre Izaro Lestayo e Nerea Perez, polo que a patroa da Ama Guadalupekoa sairá co maillote de Mellor Patrona EITB Saria.