ACT TV 2022
ESPECIAL
16 Set 2022
Última fin de semana de competición
Coa desputa das bandeiras de Bermeo e Portugalete concluirá a vixésima tempada da Liga Eusko Label
A derradeira fin de semana da competición está a piques de comezar. Este sábado en Bermeo, e o domingo en Portugalete desputaranse as dúas últimas xornadas da tempada, á vez que se desputarán as dúas xornadas de play off tanto da competición masculina como da feminina.
O sábado en Bermeo, desputarase a primeira xornada dos play off da Liga Euskotren a partir das 17:40 horas. Deusto Tecuni Bilbao tratará de superar a Tolosaldea Arraun Kluba que defenderá a súa continuidade na Liga Euskotren. Ás 18:10 será a vez das cinco traiñeiras do play off da Liga Eusko Label que buscarán as dúas prazas de acceso á máxima categoría do remo. Lekittarra Elecnor defende a súa posición, mentres que SD Samertolameu Oversea, CD Bueu Teccarsa, San Pedro ou S.D.R. Pedreña tratarán de redondearen a súa grande tempada.
Das 18:50 horas en diante, será a quenda das oito mellores traiñeiras da Liga Eusko Label, que sairán á procura da penúltima bandeira da tempada, a Bermeo Hiriko XL Ikurriña – Bermeo Tuna World Capital.
Xa no domingo, a xornada dará comezo ás 11:25 horas coa desputa da segunda xornada do play off da Liga Euskotren. Ás 12:00 horas desputarase a segunda xornada do play off da Liga Eusko Label, e xa se coñecerán as traiñeiras que completarán ambas competicións para a vindeira tempada.
Ás 12:40 horas, será a vez da derradeira bandeira da vixésima tempada da Liga Eusko Label. De novo, as oito mellores clasificadas da competición, sairán á procura da LII GP – XLVIII Bandeira El Corte Inglés – Concello de Portugalete – 700 Aniversario-. Dada a igualdade que hai entre Bermeo Urdaibai e Matrix Hondarribia, até o sábado non se saberá se esta xornada se desputará na modalidade de contra o reloxo ou en liña como é habitual. Se a diferenza entre ambas traiñeiras fose de 3 puntos ou inferior, será na modalidade de contra o reloxo, mentres que no caso contrario será en liña.
FAN ZONE
Como vén sendo habitual na Liga Eusko Label, esta fin de semana tamén se contará coa Fan Zone. No caso de Bermeo, ubicarase no porto, xusto antes da zona técnica, mentres que en Portugalete colocarase na praza do solar. No sábado, os afeccionados poderán degustar os produtos Eusko Label ou a cervexa oficial da competición, mercar a roupa deportiva de Negua, ou ver a Coroa CaixaBank, mentres se visualiza a regata na pantalla xigante. Unha vez rematada a regata, da man de Eusko Label, haberá diferentes actividades para o goce de todos na mesma fan zone.
No domingo, a fan zone tamén estará para despedir a tempada. Ademais dos seus servizos habituais, tamén Txurrut colocará un stand para gozar do seu vermouth, ademais de que se reservará un espazo das grellas para os deportistas que participaron en ambas competicións.