ACT TV 2023
ESPECIAL
30 Xul 2023
Hondarribia gaña en Santurtzi
Os verdes fixéronse coa Santurtziko XLIV. Ikurriña. Bermeo Urdaibai realizou unha grande remontada e clasificouse segundo, mantendo o liderado.
Hondarribia levou a Ikurriña de Santurtzi tras unha bonita regata. Os verdes pararon o cronómetro en 19:23 e Bermeo entrou 4 segundos máis tarde. Zierbena foi terceiro por unhas poucas centésimas e Lekittarra, que vogou na primeira quenda, marcou o cuarto mellor tempo da regata.
Os bermeotarras, malia non gañaren a regata, realizaron unha grande remontada. En algúns momentos da regata os biscaínos foron 10º na clasificación xeral e ao final, evitaron unha grande perda de puntos respecto a Hondarribia. Ao final, conseguiron até manter o liderado.
Polo tanto, Bermeo Urdaibai mantense na primeira posición da Liga Eusko Label con 99 puntos. Hondarribia é segunda con 98 puntos. Zierbena segue na terceira posición con 91 e a Donostiarra é cuarta con 74 puntos.
A Donostiarra vence en augas de Santurtzi
A Donostiarra gañou a Ikurriña Hospital San Juan de Dios Santurtzi tras unha grande regata. A Bantxa recibiu unha sanción de 3 segundos por bater cos remos con Tolosaldea, porén, aínda así, levou a vitoria cun tempo de 12:51. Arraun Lagunak foi segunda a 3 segundos das vencedoras e Orio foi terceira a 7 segundos. A cuarta praza foi para Hondarribia, que desputou a primeira quenda.
Daquela, Arraun Lagunak consolida o seu liderado cun total de 50 puntos. Orio segue en segunda posición con 47. Donostiarra e Tolosaldea suman 39 puntos e son terceira e cuarta, respectivamente.