ACT TV 2019

ENTREVISTAS

10 Ago 2019

GO fit Hondarribia reina en augas de Ondarroa

GO fit Hondarribia reina en augas de Ondarroa GO fit Hondarribia reina en augas de Ondarroa

A ‘Ama Guadalupekoa’ levou a vitoria na XXXV. Ondarroako Bandera – Cikautxo Sari Nagusia e Orio Babyauto fixo o mesmo na II. Ondarroako Bandera – Cikautxo Sari Nagusia

GO fit Hondarribia voltou á senda da vitoria en Ondarroa logo do paro pola desputa do Campionato de España. A ‘Ama Guadalupekoa’ fíxose co mellor tempo da tarde, 19’52”92, aventaxando en 7”86 a Santurtzi Iberdrola. Na loita pola Coroa CaixaBank, Orio Babyauto mantén o liderado con 142 puntos.

GO fit Hondarribia vence na quenda de honra cun tempo de 19’52”92. Santurtzi Iberdrola foi segundo cunha marca de 20’00”78. A terceira posición foi para Zierbena Bahías de Bizkaia ao pararen o crono en 20’02”06 e Orio Babyauto foi cuarto na tarde de hoxe a 14”40 dos hondarribiarras.

A ‘Bou Bizkaia’ de Urdaibai Avia levou a vitoria na segunda quenda de hoxe e cun crono de 20’17”58 faise coa quinta posición. Donostiarra foi sexto cunha marca de 20’22”56 e Ondarroa Cikautxo conseguiu na casa a sétima posición cun tempo de 20’30”02. Cabo clasificouse en oitava posición a 43”84 da cabeza.

Kaiku venceu na primeira quenda de hoxe cun tempo de 20’37”56 conseguindo a novena posición na regata. Lekittarra Elecnor foi décimo cun crono de 20’45”32. San Pedro e Astillero Repsol Electricidad y Gas pecharon a regata de hoxe na  décimo primeira e décimo segunda praza a 57”64” e 1’06” do vencedor da regata, respectivamente.

A Liga Euskotren comeza a coller cor amarela

Fican xa poucas xornadas para que remate a tempada 2019 da Liga Euskotren e o trofeo está a coller cor amarela aos poucos. A ‘Txiki’ de Orio Babyauto conseguiu a vitoria na II. Ondarroako Bandera – Cikautxo Sari Nagusia esta tarde en augas de Ondarroa cun tempo de 11’03”30, e unha vantaxe de 12”66 sobre a Donostia Arraun Lagunak. Hondarribia Bertako Igogailuak foi terceira cun crono de 11’27”68 e Donostiarra pechou a quenda a 37”60 da cabeza. A falta de tres xornadas para o peche da tempada regular da Liga Euskotren, Orio Babyauto, con 43 puntos, avantaxa en 9 puntos a Donostia Arraun Lagunak, e mañá xa podería facerse matematicamente co Trofeo Euskotren. Nadeth Agirre continúa a liderar a clasificación da mellor patroa con 5 puntos sobre Andrea Astudillo.

Hondarribia agarda por nós

Logo desta xornada de sábado desputada en Ondarroa, a Eusko Label Liga e a Liga Euskotren trasladaranse mañá a augas do Bidasoa para desputar a Hondarribiko XXXII. Bandera – Mapfre Sari Nagusia e a II. Bandeira Mapfre a partir das 11:40 horas.

Voltar