Novas 2013
ESPECIAL
07 Nov 2013
GETXO CIDADE EUROPEA DO DEPORTE
Imanol Landa, alcalde de Getxo recolleu no Parlamento Europeo de Bruxelas o premio de Cidade Europea do Deporte 2014, un galardón que a Asociación Europea de Cidades Deportivas (Aces Europa) concedeu ao municipio biscaíno no pasado verán.
A delegación estivo composta polo alcalde, Imanol Landa, o concelleiro de Deportes, Álvaro González e varios representantes deportivos de Getxo.
O Concello salientou o reforzo de Getxo Kirolak, a organización de eventos e a promoción da marca Getxo como destino turístico. O alcalde, Imanol Landa, considerou que se trata “dunha magnífica ocasión para recoñecer a realidade da ampla e diversa oferta deportiva" de Getxo, o traballo "conxunto" do Concello e do tecido asociativo de clubs e entidades deportivas do municipio. Landa sinalou que este galardón debe servir "para recoñecer o labor de todas as persoas e entidades deportivas" que fan de Getxo "un espazo óptimo e comprometido coa práctica deportiva nas súas distintas modalidades e expresións, e polo tanto, coa saúde e o benestar".
Cómpre salientar que a ACT está presente en Getxo todas as tempadas coa organización da xornada Getxoko Estropaden Ikurriña, regatas correspondientes á Liga San Miguel de Traíñas e á Liga Euskotren.
PARABÉNS!