COMPETICION

09 Ago 2016

Dobre ración zarauztarra

Esta mañá celebrouse a presentación dos dous dobres encontros da XXXIX. Zarauzko Estropadak e a Zarauzko VIII. Ikurriña

A Liga San Miguel e a Liga Euskotren chegarán este fin de semana á súa clásica dobre xornada nas augas zarauztarras. Concretamente o sábado a partir das 18.00 horas e o domingo a partir das 12.00 horas, onde se porá en xogo a Zarauzko XXXIX. Estropadak, correspondente á décimo segunda e décimo terceira batalla pola Coroa CaixaBank, e a Zarauzko VIII. Ikurriña, servindo esta última para pór punto e final a esta oitava edición da Liga Euskotren e, por suposto, coroar a nova raíña da competición feminina.

Un encontro que, como vén sendo habitual no calendario da Liga San Miguel e da Liga Euskotren, chegará por partida dobre polo que o gañador sairá da suma dos tempos do sábado e do domingo. Co fin de preservar a integridade física do remeiro, optouse por levar uns metros mar adentro a liña de saída, evitando desta maneira a rompente da onda que nos últimos anos, dada unha barreira de area que se formou co temporal de 2014, se situou na liña de saída do campo de regatas habitual nos días nos que hai algo de mar ou que coincide coa baixa mar. En calquera caso, o acotado ao que as tripulacións se enfrentarán non é descoñecido xa que na Bandeira Eusko Label de 2012 xa se fixo uso deste campo e no que a orientación do campo é prácticamente idéntica á do campo orixinal. A grande diferenza reside no apartado loxístico que se ubica en terra, que neste caso irá todo situado en XXXX, en vez de en XXXXX. Así, as embarcacións masculinas enfrentaranse ás habituais tres millas náuticas repartidas en catro longos e tres ceavogas, mentres que as féminas pugnarán pola Zarauzko VIII. Ikurriña nun acotado de milla e media.

Con todo, esta mañá celebrouse a presentación de ambos encontros en Talaiberri Txakolindegia, na que estiveron presentes, Xabier Txurruka, alcalde de Zarautz; Jon Artola, presidente do ZAE; Ixidor Larrañaga, Concelleiro de Turismo do Concello de Zarautz; e Xabi Zubiri; Director do Departamento de Comunicación da ACT. E como vén sendo habitual, o Concello de Zarautz fixo entrega dun trofeo ao gañador da primeira metade da Liga San Miguel, e que recolleu Koldo Díaz en representación de NT2 Hondarribia. 

Voltar