Novas 2020

ESPECIAL

27 Ago 2020

Boiro para rematar a tempada regular

Boiro para rematar a tempada regular

A Liga Eusko Label desputará a súa décimo sexta xornada este domingo na ría de Arousa

A máxima categoría de traiñeiras completará esta fin de semana o seu oitavo fin de semana de competición coa desputa da décimo quinta e décimo sexta xornada da Liga Eusko Label en augas galegas. Tras da desputa da regata do sábado en Ares, o domingo, a partir das 12.10 horas, Boiro acollerá a última regata da tempada regular, onde se decidirán varias das incógnitas da competición.

Así que remate a xornada do domingo, o duodécimo clasificado dirá adeus á Liga Eusko Label e consumará o seu descenso da máxima categoría, e o onceno, irá ao playoff de ascenso/descenso para loitar pola súa praza na Liga Eusko Label 2021. O noveno e décimo clasificado tamén se despedirán da competición por este ano (non remarán nas últimas dúas xornadas en Bermeo e Portugalete) e voltarán na vindeira tempada.

O campo de regatas da ría de Arousa componse de tres millas náuticas (5.556 metros) divididas en catro longos con tres ceavogas. As quendas para esta xornada de domingo distribuiranse en base á clasificación xeral da Liga Eusko Label unha vez contabilizados os puntos da XIII Bandeira Concello de Ares desputada no sábado pola tarde.

Voltar