Novas 2023
COMPETICION
09 Xul 2023
Bermeo Urdaibai faise coa regata de Zierbena
Os biscaínos deron unha exhibición na XL. Bandeira Petronor, cunha vantaxe de 18 segundos sobre Hondarribia, que foi segundo.
Bermeo Urdaibai gañou a XL. Bandeira Petronor en augas de Zierbena. A tripulación liderada por Gorka Aranbarri realizou a regata na crista da onda e conseguiu unha vantaxe de 18 segundos sobre Hondarribia, que competiu na súa quenda. Os guipuscoanos foron segundos. Na terceira posición o clasificado foi Cabo da Cruz, 23 segundos máis tarde que Bermeo. A cuarta praza, pola súa parte, foi para Kaiku, a 27 segundos do primeiro clasificado.
Zierbena, líder da Liga Eusko Label en solitario até o domingo, foi 5º na regata da casa e Hondarribia empatoulle a puntos no primeiro posto da clasificación xeral. Porén, a bandeira conseguida na Coruña aínda garante o primeiro posto aos biscaínos.
Zierbena e Hondarribia lideran a clasificación xeral con 31 puntos, Bermeo Urdaibai é terceira con 30 puntos e Getaria é cuarta con 23. Na parte baixa da clasificación o 8º posto conseguido por Santurtzi na regata permitiulle sair do último posto da xeral, en detrimento de Samertolameu.
Vitoria de Orio Orialki en Zierbena
As guipuscoanas levaron a primeira vitoria da tempada tras vencer na III Bandeira Edinor tras unha regata moi pelexada.
A campioa da Liga Euskotren 2022 logrou a súa primeira bandeira da tempada en Zierbena. A segunda quenda da III Bandeira Edinor foi emocionante. Aínda que no inicio adiantáronse as da San Nicolás, Donostia Arraun Lagunak chegou por diante á ceavoga. Porén, no segundo longo viuse unha regata realmente igualada entre Orio, Arraun Lagunak e Tolosaldea. As tres primeiras traiñeiras vogaron cunha diferencia dun segundo a escasos metros de meta. Ao final, Orio entrou por diante, seguida de Tolosaldea a un segundo e Arraun Lagunak foi terceira a 2 segundos. O 4º posto da quenda e da bandeira foi para a Donostiarra.
Na primeira quenda, Hondarribia e Hibaika tiveron un grande duelo, pero a vitoria foi para a Ama Guadalupekoa. Cabo e Tirán pechan a quenda e a a xeral da bandeira.
Así as cousas, Arraun Lagunak agarrouse á cabeza da Liga Euskotren e suma xa 21 puntos. Orio Orialki é segunda, Donostiarra terceira e Tolosaldea cuarta, todas con 19 puntos.