Novas 2010
COMPETICION
21 Xul 2010
A ACT UTILIZARÁ O VIDEO FINISH EN TODAS AS REGATAS DA LIGA SAN MIGUEL
A Asociación de Clubs de Traíñas decidiu utilizar o sistema do videofinish nas 12 regatas restantes da Liga San Miguel 2010.
O obxectivo é seguir mellorando a competición, e vista a igualdade dos participantes na Liga San Miguel, a ACT contratou o sistema de videofinish. Este sistema consiste na inserción da liña de chegada e o tempo de regata sobre un sinal de vídeo situado sobre a meta. Mentres o tempo de regata se obtén sincronizando automaticamente o equipo electrónico co reloxo de cronometraxe dos xuíces, o sinal de vídeo obtense cunha cámara aliñada coa meta. A imaxe de vídeo obtida grávase, e a súa posterior reproducción permite obter os tempos exactos de cada traíña. O videofinish realiza os seus cálculos cunha exactitude de 2 centésimas.
Este é un paso máis da ACT para modernizar e mellorar o deporte do remo, no que aposta por dotar a competición dos mellores e máis modernos medios técnicos ao seu alcance. O sistema de videofinish utilizouse sempre nas regatas en formato contrar o reloxo, pero vista a igualdade das tripulacións, a Asociación aposta por utilizar o novo sistema en todas as regatas.
A empresa G93 será quen proporcione o sistema, a mesma que xa subministra á Liga San Miguel o sistema GPS para o seguemento das regatas.