ENTREVISTAS

08 Abr 2015

Urdaibai Avia disposto a loitar por todo

Jon Salsamendi, adestrador de Urdaibai Avia, enfronta a súa terceira tempada ao mando do club bermeotarra coa firme intención de ser competitivos durante todo o verán

Os resultados aválano e Urdaibai Avia gañou a denominación de favorito para a presente tempada da Liga San Miguel. O adestrador oriotarra Jon Salsamendi non cre en favoritos no deporte, pero entende esta etiqueta que se lle puxo ao seu equipo ao manter a maioría do bloque de remeiros do ano pasado. Salsamendi admite que a pretempada en Bermeo adoita ser “algo atípica” ao non se juntaren sempre todo o plantel para adestrar, mais aínda así o traballo do plantel transmítelle confianza plena.

Salsamendi opina que os catro equipos que o ano pasado loitaron polas bandeiras “non só mantiveron os seus bloques, senón que tamén incorporaron remeiros de calidade”, de outros equipos e das súas canteiras. Porén, ve a posibilidade de que este ano algún dos equipo da metade da táboa poida dar un paso adiante, como é o caso de Cabo, ao que o oriotarra describe como un “equipo xoven, pero moi competitivo”. En canto aos obxectivos para a presente campaña, Salsamendi non esconde que lles gustaría gañar todo, incluída a ansiada Coroa “la Caixa”, mais que primeiro haberá que medir o verdadeiro potencial do plantel e en base a iso poderán “definir prioridades” para ser competitivos de principio a fin nesta tempada da Liga San Miguel.

Voltar