Novas 2010
COMPETICION
26 Ago 2010
CASTRO, DERRADEIRA CITA REMEIRA DA LIGA SAN MIGUEL ANTES DO PARO DE TRES SEMANAS
A Liga San Miguel esgota a súa penúltima fin de semana coa disputa da 16. regata puntuábel. A cidade mariñeira de Castro acolle o pelotón remeiro, xusto antes de que a caravana faga a parada de tres semanas. Este mediodía presentouse no Salón de Plenos do Concello de Castro Urdiales a XII. BANDEIRA FLAVIOBRIGA. Alí estiveron presentes o presidente do Club de Remo Castro, Don Agustín Anglada, o Concelleiro de Deportes, Don Agapito Pastor, e o presidente de ACT, Don Piter Bravo.
A regata repartirá 22.500 euros en premios, está organizada pola Sociedade Deportiva de Remo de Castro Urdiales, e está patrocinada polo Concello da cidade cántabra e a empresa Iberia Ashland Chemical. A competición dará comezo ás 12 do mediodía do próximo domingo, e as embarcacións deberán cubrir a distancia de 5.556 metros, con catro longos e tres ceavogas. A orde das quendas estabelecerase en base á Clasificación Xeral da Liga San Miguel no día da regata.
A Corona Caja Madrid está no ar. Orio Amenabar e Urdaibai Umpro Avia pugnan polo prezado trofeo. A traíña local loita por se achegar a elas, e arelan poder levar a primeira bandeira da tempada. Punto e final tamén á loita pola 8ª praza. San Pedro Ecolmare parte con vantaxe, pero ten ao axexo a Hondarribia Orsa e Kaiku Ambilamp.