Novas 2014
ASOCIACION
09 Ago 2014
A decimocuarta xornada celebrarase en Noja
Os socios reuníronse esta tarde en Asemblea e decidiron que o encontro organizado por Astillero se traslade a esta localidade cántabra
Esta tarde celebrouse en Moaña unha Asemblea Xeral de socios onde o único punto da orde do día era a aprobación do traslado a Noja o vindeiro 23 agosto da regata organizada por Astillero. Daquela, e despois de recibir o informe do propio club cántabro, así como o informe técnico elaborado polo Comité Técnico que se desprazou até a localidade para comprobar todas as especificacións en primeira persoa, os socios aprobaron a petición de traslado de Astillero.
Polo tanto, a decimocuarta xornada da Liga San Miguel terá o seu punto de partida na Praia de Tregandín, onde os clubs terán que afrontar en catro longos unha regata de mar aberto.