Novas 2021
COMPETICION
04 Xul 2021
Santurtzi Transportes y Gruas Aguado e Orio Orialki vencen na Coruña
A sotera e as oriotarras conquistan a Bandeira Cidade da Coruña
Santurtzi Transportes y Gruas Aguado non podería ter rematado mellor esta fin de semana logo da conquistar a V Bandeira Cidade da Coruña e a ocuparen o máis alto da clasificación xeral da Liga Eusko Label. Os patroneados por Gorka Aramberri conseguían gañar a Quenda de Honra desta 2ª xornada impóndose a Zierbena e Donostiarra Amenabar. Mentres tanto, Urdaibai Avia gañaba esta 2ª xornada por diante de Santurtzi Transportes y Gruas Aguado e de Orio Orialki cun tempo de 20:39.18, sete segundos mellor que os morados e 10” mellor que os Aguiluchos.
Pola súa banda, na Liga Euskotren, Orio Orialki conquistou a IV Bandeira Cidade da Coruña con 5” sobre Arraun Lagunak, 12” sobre Hondarribia Bertako Igogailuak e 13” sobre Donostiarra Lacturale. Deste xeito, Arraun Lagunak colócase líder por diante das Aguiluchas, con 6 puntos. Donostiarra Lacturale conta con 5 tantos e Hondarribia Bertako Igogailuak con 2.