BEREZIAK

04 Abu 2015

Toño Martínez-ek #AbuztukoPlaylistaren erritmoa markatzen du

Caboko arraunlariak oso zerrenda borobila osatu du

Txapelketaren erdibidera iritsi gera eta San Miguel Ligak denboraldiko zati erabakigarriari hasiera emango dio denboraldiko bigarren asteburu galiziarrarekin. Hain zuzen ere arraunlari galiziar bat, Toño Martínez, Caboko arraunlaria, izango da Joseba Mancebonek aurreko hileko #UztailekoPlaylistarekin utzitako lekukoa hartu duena #AbuztukoPlaylista osatzeko. Abesti zerrenda honetan orotariko kanta eta taldeak bateratzen dira eta oso zerrenda borobila osatu da.

Zerrenda honen barnean udarako kanta izatera deiturik dagoena daukagu, La Gozadera, Marc Anthony eta Gente de Zonako kubatarren arteko elkarlanetik sortua. Aurtengo Eurovisión Jaialdiko kanta txapelduna ere ageri da, Mans Zelmerlöw-en Heroes, Imagine Dragonsen Demons-ekin batera.

Kanta hauez gain, bi bloke nagusi nabaritzen dira arraunlari galiziar gazte honen zerrendan. Alde batetik, estatuko rock taldeak daude, besteak beste, Segurida Social-en Chiquilla, Loquilloren Rock and Roll Stars eta Feo Fuerte y Formal, edota Extremoduroren So Payaso bezalako kantekin.

Bigarren bloke nagusian Galiziatik iritsitako musikarekin osatzen da. Bertan, Heredeiros da Crus taldea daukagu Corasón de Carballo, Quiero Josar edota De Jalisia o Estranxeiro bezalako kantekin. Hain zuzen ere, talde honetako partaide den Javi Maneiro ere zerrenda honetan daukagu, bere bakarkako ibilbidean sorturiko kantekin, hala nola, Sueños Húmedos, Eclipsándolo todo edota Pies Descalzos, Besos Salados. Bigarren bloke honi amaiera ematen dio Dakidarria Ska Punk taldeak, bere Terra abestiarekin.

Itzuli