Novas 2020
ESPECIAL
15 Xul 2020
As traiñeiras chegan ao Puerto Viejo
Na quinta xornada da Liga Eusko Label e da Liga Euskotren porase en xogo a Getxoko Estropaden XLII. Ikurriña - J.A. Agirre Lehendakariaren XVI. Omenaldia e a Getxoko XII. Ikurriña
A Liga Eusko Label e a Liga Euskotren non paran e esta fin de semana ambas competicións voltan con outras dúas xornadas de infarto. O sábado tócalle a un clásico encontro do verán que repite ano a ano no calendario da ACT: a Getxoko Ikurriña. Esta prestixiosa bandeira celébrase dende o 2006 dentro do calendario da Liga Eusko Label e xa se iu nun dos encontros fixos do verán no remo.
O comezo é ás 17:40 horas, coas catro traiñeiras da Liga Euskotren que porán en xogo a Getxoko XII. Ikurriña. As embarcacións femininas completarán un percorrido dunha milla náutica e media (2.778 metros), dividido en dous longos e unha ceavoga.
A seguir, será a vez da regata da Liga Eusko Label, onde competirán pola Getxoko Estropaden XLII. Ikurriña - J.A. Agirre Lehendakariaren XVI. Omenaldia. As 12 traiñeiras da competición masculina completarán un percorrido de tres millas náuticas (5.556 metros), divididas en catro longos con tres ceavogas. As quendas para esta regata estarán formadas en base á clasificación xeral da loita pola Coroa CaixaBank, polo que na primeira quenda estarán Kaiku Vusa, Zarautz Babyauto, Ondarroa Cikautxo e CR Ares. Na segunda quenda teremos a Lekittarra Elecnor, Cabo, Zierbena Bahías de Bizkaia e GO fit Hondarribia. Por último, na quenda de honra remarán Bermeo Urdaibai Avia, Orio Arraunketa Elkartea, Donostiarra Amenabar e Santurtzi Transportes y Grúas Aguado.