LEHIAKETA

18 Abu 2023

Zarautz arraunaren epizentroa

Larunbatean eta igandean Eusko Label Ligako eta Euskotren Ligako traineruak Zarauzko Ikurriña eskuratzen saiatuko dira, emakumezkoen txapelketako azken jardunaldia izango delarik
 

Larunbat honetan eta igandean, banku finkoko arraunaren eszenatokia izango da Zarautz, eta bertan lehiatuko dira, besteak beste, Eusko Label Ligako traineruak, zein Euskotren Ligakoak ere. Denboraldiko bigarren jardunaldi bikoitzeko Bandera izango da, eta asteburu hau oso garrantzitsua izan ohi da sailkapenerako.

Orio Orialki nagusi izaten da estropada eremu honetan emakumezkoen txapelketan, azken lau edizioetan irabazi baitu, bi jardunaldietan irabazita. Asteburu honetan, Patxi Francesek entrenatzen dituen neskentzat erronka, irabazteaz gain, Donostia Arraun Lagunakek sailkapen nagusian dituen sei puntuko aldea murriztea izango da, Euskotren Liga laugarren aldiz irabazteko. Bestela, Lugañenek bere bigarren Euskotren Garaikurra irabaziko luke.

Gizonezkoen lehiaketan, Bermeo Urdaibaik irabazi zuen iragan denboraldian, Hondarribiak jarraian lortutako hiru garaipeneko bolada hautsiz. Txapelketako bi liderrek, Zierbena Bahias de Bizkaiaren baimenarekin, titulua errepikatu nahiko dute ACTko egutegiko ikurrinik preziatuenetako bat astinduz.

Bi lehiaketetan, larunbateko txandak sailkapen orokorraren araberakoak izango dira, eta igandean, berriz, lehen jardunaldiko denboren araberakoak. Larunbatean, jardunaldia 17:25ean hasiko da, Euskotren Ligako azken lau sailkatuekin, eta Eusko Label Ligako azken lau sailkatuak 18:15ean hasiko dira.

Igandean, jardunaldia 11:20ean hasiko da, eta Euskotren Liga irabazten duen taldeak zerura altxako du Euskotren Garaikurra, hori izango da Euskotren Liga historiko honen azken irudia. Ondoren, Eusko Label Ligako egutegiko hamaseigarren jardunaldia jokatuko dute hamabi traineruek.

ZALEEN GUNEA
Bigarren denboraldiz jarraian, ZALEEN GUNEA Zarautzen izango da, eta aurten ere iazko kokalekua errepikatuko du Lege Zaharren Enparantzan. Zarauztarrek edo Zarautzera hurbiltzen direnek esperientzia paregabea izango dute, Zarauzko Ikurriñaren jardunaldi bikoitzaren aurretik, bitartean eta ondoren. Larunbatean zein igandean, Eusko Label produktuak eta Keler garagardo ofiziala dastatu ahal izango dira, baita Eusko Label Ligako edo Euskotren Ligako txapeldunek eramango dituzten garaikurrekin argazkiak atera ere. Pantaila erraldoia ere jarriko da jardunaldi bikoitzaren xehetasunak ez galtzeko, edo txikienentzat puzgarriak egongo dira BM Supermerkatuen eskutik. Igandean, berriz, zaleek Vermouth on bat dastatu ahal izango dute Txurruten eskutik.

Itzuli