LEHIAKETA

02 Uzt 2012

MAPFRE KOROA ZARAUTZEN DAGO IKUSGAI

Mapfre Koroa Zarautzen egongo da ikusgai aste honetan, Mapfre Aseguru etxeak herri horretako Araba Kaleko 12 zenbakian duen bulegoan, hain zuzen ere.

Liga irabazten duen klubak eramango duen trofeoa datorren astelehena iritsi bitartean egongo da ikusgai, arraun zale eta artezale guztiek Miguel Angel Oribe eskultore lasartearrak egindako lanarekin gozatzeko aukera izan dezaten. Oribek 2005 urtean egin zuen Kantauri eta Atlantiko Ozeanoko ontzi onenak poltsikoratzen duen lana.

Mapfre Koroaren jabetza lortuko du San Miguel Liga hirutan errenkadan irabazten duen taldeak. Baita urteen joan etorrian bost liga irabazten dituen klubak ere. Oriberen lana bere lan ereduaren adibide onena da. Zirkuluaren inguruan ikertzen du. Zirkuluaren hustuketaren eta hutsuneen sorkuntzaren inguruan, hain zuzen ere. Materia hautsi eta argia piezaren alde batetik bestera pasatzen uzten duten hutsuneak.

Mapfre Koroa eskulturaren helburua 14 silueta hutsek osatzen duten zirkulu formak modernitatea eta tradizioa uztartzea da. Artea eta kirola batzea, eta horregatik dago burniarekin eginda, udan itsasoan hara eta hona dabiltzan arraunlarien giharren indarra irudikatzeko.

Nabarmentzeko modukoa da Mapfre Koroak hainbat geltoki egingo dituela hainbat herritan, arraun denboraldia bukatu arte: Getxo, Zumaia, Portugalete eta Bermeo dira herri horiek..

Mapfre Koroaren garaileak:

2003    Astillero

2004    Urdaibai

2005    Astillero

2006    Hondarribia

2007    Urdaibai

2008    Urdaibai

2009    Castro

2010    Urdaibai

2011    Kaiku

Itzuli