LEHIAKETA

11 Abu 2023

Asteburu historikoa Galizian

Moañak eta Boirok hartuko dituzte Eusko Label Ligako estropadak, eta estropada-eremu horietan estreinatuko dira Euskotren Ligako traineruak ere

Euskotren Liga sortu zenetik lehen aldiz, emakumezkoen lehiaketak bigarren asteburua jokatuko du Galiziako uretan, oraingoan, A Coruñako ohiko estropada-eremutik urrun. Emakumezkoen zortzi traineruek Moañan eta Boiron jokatuko dituzte estropadak, Eusko Label Ligako traineruekin batera.

Larunbatean, 17:30etatik aurrera, emakumezkoen lehen traineruak Bandeira Aqualia de traíñas irabazteko lehian hasiko dira. Sailkapen nagusiaren arabera banatutako emakumezkoen bi txanden ondoren, gizonezkoen hamabi traineruen txanda izango da, hauek ere sailkapen nagusiaren arabera banatuta, IX. Bandeira Illa Do Samertolameu - Concello de Moaña banderagatik lehian izango dira. Gaur egungo traineruen artean, Oriok bakarrik lortu du Illa Do Samertolameu Bandeira Eusko Label Ligan irabaztea.

Igandean, aurreko jardunaldiko lau denborarik txarrenak hasiko dira 11:25etatik aurrera IV Bandeira de Traiñeiras Feminina Rianxeiragatiko lehia. Euskotren Liga Cabo da Cruzeko estropada eremuan estreinatu ondoren, gizonezkoen hamabi ontzien txanda izango da, aurreko jardunaldiko denboren arabera, XXXIII Bandeira Concello de Boiroren bila. Hondarribia izan zen iazko trainerurik azkarrena, eta aurreko bi edizioetan Itsasoko-Ama Santurtzik eraman zuen etxera Bandeira Concello de Boiro.

ZALEEN GUNEA
Asteburu honetan, Eusko Label Ligako eta Euskotren Ligako zaleek ZALEEN GUNEAZ gozatzeko aukera bikoitza izango dute. Moañan, Meirako kai-muturreko sarreran, zaleentzako gunea egongo da, eta bertan Eusko Label produktuak dastatu ahal izango dira, hala nola lehiaketako garagardoa, Keler. Zaleen gunera hurbiltzen direnek ere estropada zuzenean jarraitu ahal izango dute pantaila handiaren bidez, edo lehiaketetako bi garaikurrekin argazkiak atera, CaixaBank Koroarekin eta Euskotren Garaikurrarekin.

Igandean, Cabo da Cruzeko portuaren sarreran, zaleek estropaden esperientzia paregabea gozatzeko bigarren aukera izango dute. Estropaden ohiko esperientziaz gozatzeaz gain, CR Cabo da Cruzek tokiko produktuak ere eskainiko ditu, hala nola paella, muskuiluak eta enpanada.

Itzuli