ACT TV 2020

BEREZIAK

06 Eka 2020

Eusko Label Liga eta EuskoTren Ligako euskal taldeak uretara aterako dira

Eusko Label Liga eta EuskoTren Ligako euskal taldeak uretara aterako dira

Eusko Label Ligako eta Euskotren Ligako arraunlariak uretara itzuli ahal izango dute datorren astelehenetik aurrera Euskadin, udako denboraldiari begira entrenatzeko

Datorren astelehenetik aurrera, ekainaren 8tik aurrera, Eusko Label Ligako eta Euskotren Ligako talde euskaldunak traineruaren barruko praktikara itzuliko dira. Hala jakinarazi du gaur goizean Arantxa Tapia Ekonomiaren Garapen eta Azpiegituretako sailburuak, Euskadi deseskaladako 3. fasera sartu ondoren traineruan arrauna praktikatzea ahalbidetuko duen Eusko Jaurlaritzaren Agindua iragarriz.

Neurri horrek, entrenduetara itzultzeko eta ACTko estropadak antolatzeko protokoloak beharrezko osasun-baldintzak betetzen dituela eta Eusko Jaurlaritzako Osasun Sailaren gomendioak jasotzen dituela kontuan hartuta, gero eta gertuago dago Eusko Label Ligaren eta Euskotren Ligaren hasiera.

Era berean, ACTtik galiziako agintariek esango dutenaren zai daude, elkarteko talde galiziarrak ere uretan entrenatzeko aukera izan dezaten.

Neurriak oso harrera ona izan du ACTn, eta Borja Rodrigo Elkarteko presidenteak "albiste bikaina" dela esan du, lehiaketa hasteko jarritako datara "iristea ahalbidetzen" duelako.

Rodrigok eskerrak eman nahi izan dizkie ACTrekin zerikusia duten eragile guztiei hiru hilabete hauetan erakutsi duten pazientziagatik eta egindako ahaleginagatik, eta aipamen berezia egin die Eusko Label Ligako eta Euskotren Ligako arraunlariek konfinduan besoak ez jaisteko egin duten "iraunkortasunari" eta "lanari", emozioz eta ikuskizunez betetako denboraldi berri bat izango dela agintzen duen horretara ahalik eta ondoen iristeko.

Itzuli