Albisteak 2016
LEHIAKETA
18 Abu 2016
Castro San Miguel Ligarekin berriro topatzen da
Gaur goizean Castro Urdialeseko Udaletxean IV. CaixaBank Bandera aurkeztu da
San Miguel Ligako antzezleku klasikoetako bat bueltan da: Castro Urdiales. Izan ere, Castroko herriak txapelketa nagusia hiru urte eta gero berriro jasoko du. Kasu honetan, zita hau IV. CaixaBank Banderaren izenpean dator eta ohikoa den bezala, Brazomar estropada eremuaren inguruan ontzien trebetasuna proban jarri beharko dute. Estropada eremu honek, lau luzeko eta hiru ziabogako formatu klasikoa izango du.
Nabarmendu beharrekoa da, lehiaketako aurategiak markatzen duen bezala, San Miguel Ligako sailkapen nagusiaren arabera txandak antolatuko direla. Ondorioz, larunbatean ospatuko den Hondarribiko estropada eta gero, txanden antolaketa zein izango den jakingo da.
Horrela, gaur goizean Castro Urdialeseko Udaletxean IV. CaixaBank Banderaren aurkezpena ospatu da eta bertara Angel Diaz, Castroko alkatea; Fernando Ruiz, Castreñako batzordeko kidea; eta Jose Manuel Ortiz, ACTko batzordeko kidea hurbildu dira.