ACT TV 2020
BEREZIAK
27 Abu 2020
Boiro denboraldi erregularra amaitzeko
Eusko Label Ligak bere hamaseigarren jardunaldia jokatuko du igande honetan Arousako itsasadarrean
Traineruen maila gorenak txapelketako zortzigarren asteburua beteko du Galizian lehiatuko diren Eusko Label Ligako hamabosgarren eta hamaseigarren jardunaldiekin. Larunbatean Aresen jokatuko den estropadaren ostean, igandean, 12: 10etik aurrera, Boiron jokatuko da denboraldi erregularreko azken estropada, eta bertan ezagutuko dira oraindik erabakitzeke diren gauza asko.
Igandeko jardunaldia bukatutakoan, hamabigarren sailkatuak agur esango dio Eusko Label Ligari eta bere jaitsiera baieztatuko du, eta hamaikagarrena igoera/jaitsiera playoffetara joango da, 2021eko Eusko Label Ligako bere postuarengatik borrokatzeko. Bederatzigarren eta hamargarren sailkatuak ere aurtengo txapelketari agur esango diote (ez dute Bermeon eta Portugaleten lehiatuko diren azken bi jardunaldietan arraunean egingo) eta datorren denboraldian itzuliko dira.
Arousa itsasadarreko estropada eremua hiru itsas miliak (5.556 metro) osatzen dute, lau luzetan banatuta, hiru ziabogarekin. Igande honetako txandak Eusko Label Ligako sailkapen orokorraren arabera banatuko dira, larunbat arratsaldean jokatutako XIII Bandeira Concello de Aresen lortutako puntuak gehitu ondoren.