ACT TV 2021

ELKARRIZKETAK

31 Mar 2021

ACT eta Barbanza Arousa, elkarrekin lau denboraldiz

ACT eta Barbanza Arousa, elkarrekin lau denboraldiz

ACTk lankidetza hitzarmena sinatu du Barbanza Arousa Mankomunitatearekin lau denboraldirako    

ACTk eta Barbanza Arousako Mankomunitateak (Rianxo, Boiro, a Pobra do Caramiñal eta Ribeira) akordioa sinatu dute 2021 denboraldian galiziar eremua Eusko Label Ligaren agertoki izan dadin, eta berau beste 3 urterako luza daiteke.    

Mankomunitateak txandaka aukeratuko du zein udalerrik hartuko duen denboraldi bakoitzeko Eusko Label Liga, eta ACTk onartu ondoren, banku finkoko arraunketa txapelketa nagusiaren eszenatoki bihurtuko da. Nahiz eta ACT Rianxon ez den inoiz izan, Boirok eta Ribeirak Eusko Label Ligako jardunaldiak hartu dituzte, eta zaleen aldetik oso hitzordu maitatuak bihurtu dira, Barbanza Arousa guneak eskaintzen duen aukera kultural eta gastronomikoarengatik.    

Rianxo, ACTren historian lehen aldiz    

Barbanza Arousa I. Bandeira historikoa izango da ACT-rentzat. Abuztuaren 7an, larunbata, Eusko Label Liga Rianxon lehorreratuko da, lehen aldiz. Arousanako herria Liga Galiziarrean ezaguna den arren, Eusko Label Ligako jardunaldiko estropada eremua ezberdina izango da, erabat berria. Zehazki, kai-mutur berritik hegoalderako norabidea hartuko du.    

Borja Rodrigo ACT-ko presidenteak Barbanza Arousarekin horrelako akordio bat sinatzeko "ilusio berezia" nabarmendu du, baita "lau urterako Arousako itsasadarra Eusko Label Ligaren eszenatoki izateak ematen duen egonkortasuna" ere. Adolfo Muíños Mankomunitateko presidenteak batasun horren garrantzia azpimarratu du: "Komunitatean lehen mailako dimentsioa lortzen dugula uste dugu hedapen mailan. Oso apustu garrantzitsua da Barbanza Arousarentzat".    
 

Itzuli