ACT TV 2018
ESPECIAL
02 Ago 2018
Valoracións na Liga Euskotren
As catro mellores embarcacións femininas do momento explícannos como están a vivir esta novidosa tempada da Liga Euskotren
A Liga Euskotren este ano deu un paso importante e pasou a ser unha competición de 14 xornadas, onde San Juan Iberdrola, até hoxe non deu opción a ningunha das súas rivais. "Queremos tentar gañalo todo e facer un pleno", confesa Laura Goldarazena, remeira da ‘Batelerak’. A embarcación que trata de seguir a estela ás sanjuandarras é Orio Babyauto. As da 'Txiki' non arrían a toalla e están convencidas de que "a bandeira chegará e cada vez imos atopándonos máis fortes", apunta Edurne Moreno.
A outra dura pugna que se está a vivir é a que están a librar GU Arraun e Hondarribia Bertako Igogailuak. As donostiarras sinalan que "fomos evoluíndo aos poucos e pensamos que aínda temos marxe", explica Alba Rivas. Do lado da 'Ama Guadalupekoa', Carolina García confesa que "o noso obxectivo era estar na Liga Euskotren e vamos seguir loitando" por estar no ano que vén na máxima competición.