Novas 2019
COMPETICION
13 Mar 2019
San Juan Iberdrola despídese da Liga Euskotren
O equipo cinco veces campión da competición renuncia á súa praza na máxima categoría do remo feminino
Logo de oito anos e cinco trofeos de campioas, San Juan Iberdrola non formará parte este verán da Liga Euskotren. O equipo pasaiarra decidiu renunciar á súa praza na máxima categoría do remo feminino e competirá esta tempada na Liga ETE.
No remate da tempada pasada, produciuse a baixa da totalidade das remeiras que conformaban o equipo e malia tentáreno até o último momento, non lograron confeccionar un plantel para afrontaren con garantías a tempada da Liga Euskotren.
Hondarribia Bertako Igogailuak será convidado a cubrir a praza das batelerak na Liga Euskotren ao terse clasificado en segunda posición no playoff, desputado no pasado 15 e 16 de setembro en Bermeo e Portugalete. Deste xeito, o equipo bidasoarra súmase a Orio Babyauto, Donostia Arraun Lagunak e Donostiarra como candidato á vitoria na Liga Euskotren.